Dünən saat 15-16 radələrində Rusiya "sülhməramlı"larının komandanı A.Volkovla görüş tələbi ilə Xankəndindən Xocalı hava limanına yürüş etmiş separatçı-terrorçu, işğalçı xislətli haykların bir hissəsi hava limanının yaxınlığında qalmaqda davam edir. 

Bu haqda məlumat və video-görüntülər sosial şəbəkələrin erməni seqmentində yayılıb.

"Çadırlar qurulub, isinmək üçün tonqallar yandırılır. Sülhməramlılardan heç bir xəbər yoxdur, onlar hələ də guya Volkovu “axtarırlar". Adi Artsax sakinləri etirazçılara yemək və odun gətirirlər. Mümkündür ki, sabah(28 dekabrı- S.L.) Volkov xalqın qarşısına çıxana qədər hava limanının giriş-çıxışlarının tam blokadası başlayacaq"- məlumatda belə deyilir.

Son məlumata görə, separatçı aksiyanın rəhbəri Tiqran Petrosyan "sülhməramlı"ların bir nümayəndəsi, Volkovun müavini ilə görüşüb və tələblərini yazılı şəkildə çatdırıb...

(Moderator.az)