Rusiya Federasiyası Prezidentinin mətbuat katibi Dmitri Peskov Ermənistan Təhlükəsizlik Şurası katibinin bəyanatlarını təxribat xarakterli hesab edir.
Qarabaginfo.az "Armenian News"a istinadla xəbər verir ki, Kremlin sözçüsü bildirib: “Belə bəyanatlar təxribat kimi qiymətləndirilə bilər. Onlar doğru deyil. Rusiya rəsmilərindən heç biri bunu deməyib və heç kim vasitəsilə erməni tərəfinin diqqətinə çatdırmayıb”.
Xatırladaq: Ermənistan Təhlükəsizlik Şurasının katibi Armen Qriqoryan bildirib ki, ölkənin strateji müttəfiqi Rusiya Ermənistanı öz suveren ərazisindən Azərbaycana dəhliz verməyə, eləcə də formalaşmaqda olan Rusiya-Belarusun İttifaq Dövlətinə qoşulmağa məcbur edir.
Bundan əlavə, o, İctimai Televiziyanın efirində qeyd edib ki, Qarabağı Ermənistanla birləşdirən Laçın dəhlizinin bağlanması da Rusiyanın Ermənistana təzyiq növlərindən biridir.(Yenisabah)