Cənab Prezident İlham Əliyevin tapşırığı ilə hərbi sahəyə xüsusi diqqət yetirilir.

Qarabaginfo.az xəbər verir ki, bunu maliyyə naziri Samir Şərifov parlamentin Gənclər və idman, Əmək və sosial siyasət, Aqrar siyasət, Regional məsələlər və Təbii ehtiyatlar, energetika və ekologiya komitələrinin birgə iclasında 2023-c ilin büdcə müzakirələri zaman deyib.

“Hərbçilərin sosial-məişət təminatının yaxşılışdırılması istiqamətində hər il ordumuzda 20 il xidmət keçən hərbi qulluqçulara mənzillər verilir”, - deyə nazir bildirib.

Onun sözlərinə görə, ümumilikdə 2023-cü il üçün dövlət büdcəsinin gəlirləri 30,7 milyard manat proqnozlaşdırılır ki, bu da ölkə tarixinin ən yüksək göstəricisi olmaqla, 2022-ci illə müqayisədə 5,2 faiz, 2021-ci illə müqayisədə isə 16,4 faiz çoxdur.