Rusiyanın siyasi dairələri ilə Azərbaycan torpaqlarında "sülhməramlı” kontingentin himayəsində bəslənən separatçı-terrorçu rejim nümayəndələrinin səfəri ilə bağlı razılıq əldə olunub.

Qarabaginfo.az xəbər verir ki,  bu məlumatı Ermənistanın  "ArmenianToday”  nəşri Moskvadakı mənbələrə istinadla yayıb. 

 

Qəzet yazır: “Bu məsələdə Rusiya rəhbərliyinə yaxın olan nüfuzlu Moskva erməniləri həlledici rol oynayıblar”.

 

Erməni qəzeti iddia edir ki, separatçıların nümayəndə heyətinin Rusiya paytaxtında ən yüksək səviyyədə qəbul ediləcəyi barədə ilkin razılıq var.

 

Bundan əvvəl bildirilmişdi ki, yaxın günlərdə separatçı nümayəndə heyəti Rusiyanın siyasi rəhbərliyi ilə kriminal-terrorçu rejimin sonrakı taleyini müzakirə etmək üçün Moskvaya gedəcək.(Moderator.az)

 

Xatırladaq ki, dünən 168.am nəşrinin artıq Qarabağdakı baş separatçı Arayik Arutyunyanın Rusiya paytaxtına yollanması haqda xəbər vermişdik.