Neft qiymətləri Ukrayna-Rusiya böhranına görə yüksəlməkdə davam edir.  

Qarabaginfo.az xarici mətbuata istinadən xəbər verir ki, beynəlxalq etalon olan Brent markalı neftin fyuçersləri 98 dollara (72 funt sterlinqə) çataraq yeddi ildə özünün ən yüksək səviyyəsinə yüksəlib. Buna səbəb Rusiyanın Ukraynanın şərqindəki separatçı bölgələri müstəqil dövlətlər kimi tanıması olub.

Xatırladaq ki, Rusiya Səudiyyə Ərəbistanından sonra ikinci ən böyük xam neft ixracatçısıdır. Rusiya həm də dünyanın ən böyük təbii qaz istehsalçısıdır.

Manulife İnvestisiya İdarəsinin əməkdaşı Sue Trinh bildirib ki, Rusiyanı daha az xammal və ya təbii qaz tədarük etməyə məcbur edən sanksiyalar qlobal iqtisadiyyata mühüm təsir göstərəcək.