“Qarabağ”ın UEFA-nın bayrağı altında keçirilən turnirlərdə iştirakı ilə əlaqədar UEFA tərəfindən ayrılmış müvafiq maliyyə vəsaiti AFFA-nın vasitəçiliyi ilə klubun hesabına köçürülüb.

Qarabaginfo.az xəbər verir ki, Ağdam təmsilçisi bu mövsüm avrokuboklarda iştiraka görə aşağıdakı məbləğləri alıb.

- 5 milyon avro (8 milyon 470 min manat) – UEFA Çempionlar Liqasının pley-off mərhələsində iştirakına görə (ÇL-in qrup mərhələsinə adlaya bilməyən klubar üçün);

- 3,4 milyon avro (5 milyon 760 min manat) – UEFA Avropa Liqasının qrup mərhələsində iştirak üçün ilkin ödəniş;

- 2,244 milyon avro (3,8 milyon manat)  – UEFA Avropa Liqasının sıralama əmsalına görə (klubun son 10 ildə göstərdiyi nəticələrə əsasən).

Avropa Liqasının G qrupunda Azərbaycan çempionu "Nant" (Fransa), "Frayburq" (Almaniya) və "Olimpiakos"la (Yunanıstan) mübarizə aparacaq.