“ABŞ Nümayəndələr Palatasının spikeri Nensi Pelosinin Tayvana səfəri ilə bağlı ABŞ ciddi əks tədbirlərlə üzləşəcək”.

Qarabaginfo.az xarici KİV-ə istinadən xəbər verir ki, bunu Çin Xalq Respublikası Xarici İşlər Nazirliyinin Silahlara Nəzarət Departamentinin direktoru Fu Tsun deyib.

“ABŞ-ın bu hərəkətləri ciddi mənfi nəticələrə gətirib çıxaracaq. ABŞ-a qarşı ciddi əks tədbirlər görüləcək. İnsanlar bu barədə heç bir illüziyaya qapılmamalıdırlar”, - deyə Fu Tsun bildirib.

Onun sözlərinə görə, Çin ölkəni sülh yolu ilə birləşdirmək üçün hər şeyi edəcək, lakin hərbi ssenaridən də imtina etmir.

Qeyd edək ki, bundan öncə Nensi Pelosi yazılı bəyanatında Tayvana səfəri ABŞ-ın Çinlə bağlı siyasətinə zidd olmadığını açıqlamışdı.(Qafqazinfo.az)