Ukrayna üzdəniraq Donetsk və Luqansk "xalq respublikaları"nın müstəqilliyini tanıyan Şimali Koreya ilə diplomatik münasibətlərə xitam verir.

 

Qarabaginfo.az xəbər verir ki, bu barədə Ukrayna XİN məlumat yayıb.

 

"Belə dost olmayan hərəkətə cavab olaraq Ukrayna Koreya Xalq Demokratik Respublikası ilə diplomatik münasibətlərə son qoyulmasını bəyan edir. KXDR ilə siyasi və iqtisadi təmaslar bu ölkəyə qoyulan beynəlxalq sanksiyalar səbəbindən həyata keçirilmir", - məlumatda belə deyilir.

 

Nazirlik qeyd edib ki, Şimali Koreya rejimi tərəfindən üzdəniraq "DXR" və "LXR"-in tanınması hüquqi nəticələrə gətirib çıxarmayacaq və Ukraynanın beynəlxalq birlik tərəfindən tanınan sərhədlərini dəyişməyəcək.

 

"Rusiyanın Ukrayna ərazisinin bir hissəsində hakimiyyətin legitimləşdirilməsinə dəstək göstərməsi üçün KXDR-ə müraciət etməsi Moskvanın Pxenyana nisbətən daha zəhərli olmasından xəbər verir. Rusiyanın, ondan maliyyə və siyasi cəhətdən asılı olan ölkələrdən başqa, dünyada müttəfiqləri yoxdur, Rusiya Federasiyasının təcrid edilməsi səviyyəsi KXDR-in təcrid səviyyəsinə bərabər olacaq", - ukraynalı diplomatlar vurğulayıb.

 

Bundan öncə RBK nəşri fotoşəkil paylaşıb, orada KXDR səfiri Sin Xon Çxol "DXR" səfiri Olqa Makeyevaya hökumətinin  "respublika"nın müstəqilliyini tanımaq barədə sənəd təqdim etdiyi əks olunub.  

 

Həmçinin KXDR-in Moskvadakı səfirliyi məlumat verib ki, Pxenyan həm də "LXR"-in müstəqilliyini də tanıyıb.

 

Koreya Xalq Demokratik Respublikası dünyada ən qapalı və azad olmayan ölkələrdən hesab edilir, BMT-nin Rusiya və Suriyadan sonra "DXR" və "LXR" saxta qurumları tanıyan üçüncü ölkəsidir.(moderator.az)