“Putin (Rusiya Prezidenti Vladimir Putini nəzərdə tutur-red.) Ukraynada qələbə qazanarsa, bu, dünya iqtisadiyyatında uzunmüddətli fəlakətə səbəb olacaq”.
Bunu Böyük Britaniyanın Baş naziri Boris Conson Ruandanın paytaxtı Kiqali şəhərində Əməkdaşlıq sammitində çıxışında bildirib.
Hökumət başçısı hesab edir ki, Ukrayna Rusiya ilə sülh müqaviləsi imzalamaq üçün təzyiqlərlə üzləşə bilər: “Avropa müharibə nəticəsində iqtisadiyyatında yaranmış vəziyyətlə bağlı Ukraynanın Rusiya ilə maraqlarına uyğun gəlməyən sülh müqaviləsi imzalamağa vadar edə bilər. Bir çox dövlət Avropada müharibəyə ehtiyac olmadığından danışır. Ona görə də Ukraynaya təzyiqlər arta bilər. Ukraynalıları pis sülh müqaviləsi imzalamağa məcbur edərlər”.
