Rusiya prezidenti Vladimir Putin bəzi rus generallarından Ukraynada hücum əməliyyatı keçirməmək barədə petisiya alıb.  Generallar bildirib ki, quru qoşunlarının ən azı bir hissəsini digər tapşırıqlar üçün döyüş hazırlığında saxlamaqdan ötrü bu planlardan imtina edilməlidir.

 

Qarabaginfo.az xəbər verir ki hərbi ekspert Oleq Jdanov bu barədə “Ukrayna 24”-ün "Youtube" kanalındakı “FREEDOM” layihəsinin efirində tele-aparıcı Yevgeni Kiselyova danışıb.

 

Jdanovun sözlərinə görə, müharibənin bu mərhələsində Ukrayna qoşunlarının Donbasdakı Birləşmiş  Qüvvələr Əməliyyatı(BQƏ) zonasındakə qruplaşmasını mühasirəyə almaq üçün Rusiya qoşunları tərəfindən kütləvi hücum cəhdi olacaq: "Burada əsas şəhər Kramatorsk şəhəridir. Onlar istəyirlər ki, qoşunlarının şimal və cənub qruplarını Kramatorskda bir araya gətirsinlər.  Və bu minvalla ümid edirlər ki, bizim qoşunların(BQƏ) zonasında mühasirəsi başa çatacaq”, - Jdanov izah edib.

 

Eyni zamanda o qeyd edib ki, Rusiya qoşunlarının Dneprə doğru irəliləmək üçün gücü və vasitələri yoxdur.

 

"Əgər onlar bizim qoşunlarımızı mühasirəyə ala bilsələr, bundan dərhal sonra danışıqlar prosesi təklifi gələcək: əsgərlərin həyatı müqabilində ərazilər... Çünki onların gücləri və vasitələri çətin ki,  çatacaq. Və onlar bunu çox gözəl anlayırlar", - Jdanov belə deyib. 

 

Jdanov bildirib ki, daxili məlumatlara görə, Baş Qərargahda Rusiya Federasiyasının qarşısında duran digər vəzifə və problemlərin həlli üçün quru qoşunlarının ən azı bir hissəsini döyüş hazırlığında saxlamaqdan ötrü hücum əməliyyatından imtina etmək lazım olduğu barədə fikir yetişir. 

 

"Məsələn, aprelin sonuna qədər Fərqanə vadisi onlar üçün təhlükə mənbəyi olacaq. Əgər doğrudursa, Taliban aşırımın qurumasını gözləyir ki, oradan keçmək mümkün olsun. Tacikistandan da Rusiyanın 201-ci bazası yoxdur, çünki hazırda  tam qüvvəsi ilə Ukrayna ərazisində döyüşür. Belə halda taliblər təhlükəsizolaraq  Fərqanə vadisinə girib Qazaxıstan istiqamətində hücuma başlaya bilərlər”, - deyə hərbi ekspert izah edib.