Macarıstan Milli Seçki Bürosu (NVI) səslərin 100%-ni hesabladıqdan sonra aprelin 3-də keçirilmiş referendum və parlament seçkilərinin nəticələrini açıqlayıb.

Qarabaginfo.az RİA Novosti-yə istinadən bildirir ki, seçkidə baş nazir Viktor Orbanın Fides-Xristian Demokratik Xalq Partiyası (Fidesz-CDPP) ittifaqı qalib gəlib.

Daha əvvəl səslərin 98,96%-ni saydıqdan sonra Fides-CDPP-nin parlamentdəki 199 yerdən 135-ni, müxalifət koalisiyasının 56 mandatını, “Vətənimiz” hərəkatının isə yeddi mandat qazandığı açıqlanmışdı.

NVI-nın hazırkı məlumatına görə, səslərin 100%-ni emal etdikdən sonra Fides-CDPP alyansı parlamentdə 199 yerdən 135-ni əldə edir, yəni konstitusiya çoxluğu ardıcıl üçüncü dəfə saxlanılır.

135 mandatdan 87-si birmandatlı dairələr üzrə, 48-i isə partiya siyahısı üzrə alınıb.

Səslərin 100%-nin nəticələrinə əsasən, Piter Marki-Zajın rəhbərlik etdiyi müxalifət partiyalarının koalisiyası parlamentdə 57 yer qazanıb. Müxalifət namizədləri 19 birmandatlı seçki dairəsində qalib gəlib və partiya siyahısı üzrə 38 yer əldə ediblər.

Qalan yeddi yerdən altısı sağçı “Bizim Vətənimiz” hərəkatına, biri isə Almaniya Milli Siyahısına aiddir, onların hamısı partiya siyahılarındadır.