"Biz böyük irəliləyiş əldə etmişik".

Qarabaginfo.az xəbər verir ki, bunu Avropa İttifaqı Şurasının rəhbəri Şarl Mişel Brüsseldə Azərbaycan Prezidenti İlham Əliyev və Ermənistanın Baş naziri Nikol Paşinyanla görüşündən sonra deyib.

“Biz birlikdə mümkün sülh sazişinə və belə bir razılaşma naminə bütün zəruri elementlərə hazırlaşmaq üçün konkret prosesə başlamaq qərarına gəldik. Biz, həmçinin delimitasiya məsələləri (Ermənistan-Azərbaycan sərhədi) üzrə işçi qrupunu razılaşdırdıq, bunlar çox həssas məsələlərdir. Əminəm ki, qarşıdakı həftələrdə əldə olunacaq tərəqqi nəzərdən keçirməyə imkan verəcək güclü kommunikasiya kanalı yaradacağıq”.

Sülh razılaşmasının əldə edilməsi prosesinin nə qədər davam edəcəyini soruşduqda Mişel bunu proqnozlaşdırmağın çətin olduğunu qeyd edib.

O xatırladıb ki, ötən ilin dekabrında Ermənistan və Azərbaycan liderləri ilə ilk görüşü keçirib: “Bu, tərəflərin bir-birini daha yaxşı eşitməsinə və anlamasına imkan verdi... Mən mütəmadi olaraq telefon danışıqları vasitəsilə liderlərlə əlaqə saxlayırdım. Biz bu görüşə çox şey hazırlamışıq. Düşünürəm ki, biz çox çalışırıq və irəliləyiş əldə edirik. Mən hər iki tərəfin çağırışlarını və çətinliklərini qiymətləndirmirəm, amma hiss edirəm ki, tərəqqi əldə etmək, prioritetləri və birlikdə ata biləcəyimiz konkret addımları müəyyən etmək üçün tərəflərin birgə iradəsi var. Əminəm ki, bu gün düzgün istiqamətdə mühüm addım atmışıq. Bu, hər şeyin qərara alındığı anlamına gəlmir, lakin bu o deməkdir ki, biz sülh, təhlükəsizlik və sabitliyə zəmanət verən davamlı sazişə nail olmaq üçün lazımi elementləri daha yaxşı başa düşdüyümüz üçün tərəqqi əldə etmişik. Bu proses bu gün başlayıb”.