“Tarixi Azərbaycan torpağı olan bugünkü Ermənistan ərazisində vaxtilə qalalar, məscidlər, müxtəlif abidələr olub. Lakin onlar kütləvi şəkildə dağıdılıb”.

Qarabaginfo.az xəbər verir ki, bunu Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü İlqar Orucov Ermənistandakı Azərbaycan mədəni irsinin vəziyyətinin qiymətləndirilməsi məqsədilə keçirilən konfransda deyib.

O bildirib ki, beynəlxalq ictimaiyyət, xüsusən də tarixi abidələrin qorunması ilə məşğul olan BMT-nin strukturu UNESCO bu məsələlərə mütləq şəkildə öz münasibətini bildirməlidir.

"Təəssüf ki, biz son illərdə bu istiqamətdə ikili standartların şahidi oluruq. Eyni zamanda hələ də Azərbaycanın 44 günlük Vətən müharibəsində qazandığı qələbəsini həzm edə bilməyən qüvvələr var. Hesab edirəm ki, bu istiqamətdə müraciətimiz olduqca önəmlidir".(Apa)