ABŞ-ın dövlət katibi Entoni Blinken Rusiyanın xarici işlər naziri Sergey Lavrovla danışığında ölkəsinin Rusiya ilə substantiv danışıqlara hazır olduğunu bildirib.

Qarabaginfo.az-ın xəbərinə görə, Blinken həm ikitərəfli formatda, həm də müttəfiqlərlə birgə təhlükəsizliklə bağlı danışıqların aparılmasını mümkün hesab edib.

Dövlət Departamentinin yaydığı məlumatda deyilir ki, “dövlət katibi E.Blinken S.Lavrovla ABŞ-ın Rusiyaya verdiyi yazılı cavabla bağlı danışıb. Blinken ABŞ-ın Rusiya ilə həm ikitərəfli formatda, həm də müttəfiqlərlə birgə təhlükəsizliklə bağlı substantiv danışıqlara hazır olduğunu bildirib”.

Məlumatda həmçinin qeyd olunur ki, ABŞ Rusiya ilə dialoqu öz müttəfiqləri ilə koordinasiyalı şəkildə aparmaq niyyətindədir.