ABŞ Prezidenti Cozef Bayden milli təhlükəsizlik üzrə komandasına Rusiyanın Ukraynanı işğal etməsinin qarşısını almaqdan ötrü bütün mümkün addımları atmaqla bağlı tapşırıq verib.

Qarabaginfo.az xəbər verir ki, bunu dövlət başçısı CNN-ə müsahibəsində bildirib.

C.Bayden qeyd edib ki, 2014-cü ildəki səhvlər təkrarlanmamalıdır: “Ovaxtkı addımlar Rusiyanın xüsusi dövlət şirkətlərinin ABŞ kapital bazarlarına və texnologiyalarına çıxışını məhdudlaşdırmaqla onların orta və uzunmüddətlə inkişafına əngəl olmağa hesablanmışdı. Bu gün isə durum dəyişib. İndiki addımlar Rusiya iqtisadiyyatına dərhal və ciddi zərbə vuracaq”.