Gürcüstanın eks-prezidenti Mixail Saakaşvilinin vəziyyəti yaxşılaşıb.

Qarabaginfo.az xəbər verir ki, bu barədə onun həkimləri bildirib.

Həkimin sözlərinə görə, eks-prezident özünü yaxşı hiss edir və fiziki cəhətdən gündən-günə daha da yaxşılaşır.

Xatırladaq ki, Gürcüstanın keçmiş prezidenti oktyabrın 1-də Tbilisidə saxlanılıb və Rustavidəki həbsxanaya yerləşdirilib. O, noyabrın 8-də Tbilisidəki Qldani türməsinin xəstəxanasında müalicəyə cəlb edilib. Əlli gün aclıq aksiyası keçirən siyasətçi noyabrın 20-də Qoridəki hərbi hospitala köçürülüb.
M.Saakaşvili bundan sonra aclıq aksiyasını dayandırıb.(Modern)