“Bura yaşamaq üçün gəlib, oğulları isə gələn il gələcək…” 

“Qarabağ mənim üçün müqəddəs bir torpaqdır, düşməndən qorxmuram ": 

Qarabaginfo.az xəbər verir ki, erməni mediasının yaydığı  məlumata görə, Azərbaycana, türkə qarşı nifrət dolu bu sözləri ABŞ -dan köçüb Kəlbəcər rayonunun hələ də Rusiya sülhməramlı(?) hərbi kontingentinin nəzarətində qalan və ermənilərin “Aterk” adlandırdıqları Həsənriz kəndində  qanunsuz olaraq məskunlaşmış Yesa Mahtesyan çərənləyib.

“Yesai Mahtesyanın ailəsi ABŞ -dadır, ancaq vətəninin çağırışı onu Qarabağa gətirib. O, bir neçə gündür Artsaxın Martakert bölgəsindəki Haterk icmasındadır. Bura yaşamaq üçün gəlib, oğulları isə gələn il gələcək. 

 

“Aterkdə arıçılığa başlamağa qərar verdim. Bu icmada bunun üçün yaxşı şərait var. Burada xoş qarşılandım. Hələ görüləsi işlərinin olduğu bir ev verdilər. Əlimdən gələni edəcəyəm, çünki işləməkdən zövq alıram. Donuzçuluqla da məşğul olmaq fikrindəyəm” – Amerikadan Kəlbəcərə gəlmiş erməni belə deyir. 

 

“Y. Mahtesyanın xaç oğlu  Gevorg Kirakosyan 2020 -ci ilin payız müharibəsində öldü. Həmsöhbətimiz deyir ki, cəsur uşaqlar qan tökdülər ki, indi biz Artsaxda yaşaya bilək.

 

"İrəvanda qohumlarım var, amma orada qala bilmədim, Artsaxa gəldim, çünki bura mənim üçün müqəddəs bir torpaqdır. Düşməndən qorxmuram. Düşmənin arzusu ermənilərin burada yaşamamasıdır. Artsaxda yaşasaq və  birlik içində olsaq, heç kim bizi məğlub edə bilməz”-  E.Mahtesyan bildirib” –erməni mediasının yaydığı xəbərdə belə deyilir.(Moderator.az)