Saytımızı qiymətləndirin


 
 

ABŞ Azərbaycana indiyədək 50 baş minaaxtaran it hədiyyə edib
Tarix: 25-08-2021 | Saat: 12:56
Bölmə:Karusel / Gündəm | çapa göndər

ABŞ Azərbaycana indiyədək 50 baş minaaxtaran it hədiyyə edib

 


Azərbaycan Respublikası Minatəmizləmə Agentliyinin (ANAMA) İdarə Heyətinin sədri Vüqar Süleymanov ABŞ-ın Marşal İrsi İnstitutunun (Marshall Legacy Institute, MLI) prezidenti Perri Baltimoru, MLI-ın Əməliyyatlar üzrə vitse-prezidenti Eliz Beykeri və ABŞ-Azərbaycan Ticarət Palatasının icraçı direktoru Natiq Baxışovu qəbul edib.

Agentlikdən Qarabaginfo.az-a verilən xəbərə görə, görüş zamanı ANAMA və MLI arasında minaaxtaran itlərlə bağlı bügünədək görülən işlərə dair müzakirələr aparılıb və gələcək əməkdaşlıq əlaqələri müzakirə olunub.

Vüqar Süleymanov agentliyin qarşısında duran mühüm məsələlər haqqında məlumat verib. 44 günlük Vətən müharibəsi nəticəsində işğaldan azad edilmiş ərazilərin mina və partlamamış hərbi sursatlar (PHS) ilə yüksək dərəcədə çirklənməsi faktı vurğulanıb. Qeyd olunub ki, hazırda Azərbaycan Respublikası Minatəmizləmə Agentliyi tərəfindən bu torpaqların ümumi tədqiqatı istiqamətində işlər davam edir.

ANAMA-nın idarə heyətinin sədri MLI ilə qarşılıqlı əməkdaşlıq əlaqələrin tarixi haqqında danışıb. 2005-ci ildən bügünədək Marşal İrsi İnstitutu tərəfindən Azərbaycanın minatəmizləmə proqramına 50 baş minaaxtaran və partlayıcı axtaran it hədiyyə edilib. İtlər müvafiq təlim və akkreditasiya keçərək işğaldan azad edilmiş torpaqların təmizlənməsi əməliyyatlarına cəlb olunur.

Marşal İrsi İnstitutunun prezidenti Perri Baltimor Azərbaycanda keçirilən minatəmizləmə əməliyyatlarına öz töhfəsini verməklə fəxr etdiyini qeyd edib. Perri Baltimor ANAMA-nın bütün beynəlxalq standartlara uyğun fəaliyyət göstərdiyini vurğulayıb. O, Agentliyin xüsusi təlim proqramının və itlərin saxlanma şəraitini yüksək dəyərləndirib. Belə ki, dördayaqlı minaaxtaranlar müsabiqələrdə ilk yerləri qazanırlar. Marşal İrsi İnstitutunun prezidenti avqustun 23-ü gətirilən ilk 10 baş minaaxtaran itin əməliyyatlara qoşulmasının minatəmizləmə əməliyyatlarına müsbət təsirini göstərəcəyinə əminliyini ifadə edib.

Qeyd edək ki, avqustun 26-da MLI nümayəndələrinin Azərbaycana səfəri çərçivəsində ANAMA-nın İdarə Heyətinin sədri Vüqar Süleymanov və Marşal İrsi İnstitutunun prezidenti Perri Baltimor anlaşma memorandumu və müqavilə imzalayacaqlar.



Xəbəri paylaş

282 dəfə oxunub.

Digər xəbərlər