Tarix: 06-08-2021 | Saat: 09:58
Bölmə:Karusel / Gündəm | çapa göndər
Ermənistan Müdafiə Nazirliyi Azərbaycanla sərhəddə Rusiya sülhməramlılarının yerləşdiriləcəyini açıqlayıb.
Qarabaginfo.az TASS agentliyinə istinadən xəbər verir ki, nazirliyin saytında prosesin Ermənistan-Rusiya əməkdaşlığı çərçivəsində həyata keçirildiyi qeyd edilib:
"Kütləvi informasiya vasitələrində Tavuş əyalətində rus hərbçilərinin olması ilə əlaqədar yayılan xəbərlərə əsasən bildiririk ki, qeyd olunan ərazidə Rusiya sərhəd nəzarət qüvvələri yerləşdirilib. Orada maddi-texniki təminat və yaşayış binalarının tikintisi davam edir", - nazirliyin saytında deyilir.
Qeyd edək ki, iyulun 29-da Ermənistanın baş naziri Nikol Paşinyan Ermənistan-Azərbaycan sərhədi boyunca Rusiya sülhməramlılarının yerləşdirilməsini müzakirə etməyə hazır olduğunu bildirib.
Paşinyana görə, bu, silahlı toqquşma riski olmadan sərhədlərin delimitasiyası və demarkasiyasını həyata keçirməyə imkan verəcək.
Digər xəbərlər