Oman ABŞ və digər Qərb ölkələrinə Hörmüz boğazından keçən gəmilər üçün ödəniş tətbiq edilməsini nəzərdə tutan rəsmi təklif təqdim edib.

"Bu barədə "The New York Times" mənbələrə istinadən məlumat yayıb.

Qəzetin məlumatına görə, təklif gəmiçilik şirkətlərindən boğazdan istifadəyə görə xidmət haqqının tutulmasını nəzərdə tutur.

NYT qeyd edir ki, İran və Oman Vaşinqtonun bu ideyaya açıq etiraz etməsinə baxmayaraq, sözügedən planı irəli sürməkdə davam edirlər.

Məlumata əsasən, ABŞ nümayəndə heyəti artıq müvafiq sənədi əldə edib və Məsqətlə bağlı narahatlıqlarını Oman tərəfi ilə müzakirə etməyi planlaşdırır.