ABŞ Prezidenti Donald Tramp bildirib ki, İranın ballistik raketlərə malik olmasının tam şəkildə qadağan edilməsi ədalətli yanaşma olmazdı.

Qarabaginfo.az xəbər verir ki, Tramp bu barədə Parisə səfəri zamanı jurnalistlərə açıqlamasında danışıb.

“Əgər digər ölkələrin belə raketləri varsa, İranın onlara malik olmaması bir qədər ədalətsiz olardı”, – deyə ABŞ Prezidenti bildirib.

Tramp vurğulayıb ki, Vaşinqton və Tehran arasında aparılan danışıqların əsas mövzusu İranın ballistik raket proqramı deyil, nüvə proqramı ilə bağlı məsələlərdir.

“Əgər Səudiyyə Ərəbistanı və Qətərin müəyyən sayda ballistik raketləri varsa, hesab edirəm ki, İranın da müəyyən proporsiyada belə imkanlara malik olması normaldır”, – deyə ABŞ lideri əlavə edib.