Atom Enerjisi üzrə Beynəlxalq Agentlik ABŞ və İran arasında nüvə enerjisi ilə bağlı mümkün razılaşmaların icrasının yoxlanılmasında vasitəçi rolunu oynamağa hazır olduğunu bildirib.

"Yonhap" agentliyinin məlumatına görə, bunu qurumun baş direktoru Rafael Qrossi bildirib.

“Agentliyin ən vacib funksiyası yoxlamadır və bu prosesdə iştirakımız mühüm əhəmiyyət daşıyır”, - deyə AEBA rəhbəri vurğulayıb.

Onun sözlərinə görə, tərəflər razılığa gəldikdən və yoxlama funksiyasını AEBA-ya həvalə etmək istədiklərini bildirdikdən sonra bu məsələ ilə bağlı Agentliyin İdarəçilər Şurasına müraciət ediləcək.