Taliban Pakistanın Əfqanıstana yeni hücumlar həyata keçirdiyini bəyan edib.

Qarabaginfo.az xəbər verir ki, bu barədə Taliban sözçüsü Zabihullah Mücahid “X” hesabında bildirib.

Onun sözlərinə görə, Pakistan ötən gecə Əfqanıstanın Kunar, Xost və Paktika vilayətlərini bombalayıb, nəticədə hava hücumu zamanı 13 nəfər, o cümlədən 11 uşaq, bir qoca və bir qadın ölüb.

Daha 14 qadın və uşağın xəsarət aldığı bildirilir.

Qeyd edək ki, bir neçə ay əvvəl Pakistan və Əfqanıstan arasında müharibə başlayıb. Daha sonra ABŞ Prezidenti Donald Trampın vasitəçiliyi ilə tərəflər arasında atəşkəs əldə olunub.