Ukrayna Milli Təhlükəsizlik və Müdafiə Şurasının katibi Rustem Umerov Mayami şəhərinə gedib.

"Reuters"in mənbəyə istinadən xəbərinə görə, Umerov ABŞ nümayəndələri ilə danışıqlar aparacaq.

Ukrayna Prezidentinin müşaviri Dmitriy Litvin jurnalistlərə bildirib ki, Rustem Umerov artıq səfərlə bağlı məlumatı Ukrayna Prezidentinə çatdırıb və yaxın vaxtlarda bununla bağlı əlavə informasiya veriləcək.

“Reuters“ yazır ki, Rusiyanın Ukraynaya qarşı müharibəsinin dayandırılması ilə bağlı sülh danışıqları son aylarda dalana dirənib.

Bildirilib ki, Ukrayna ABŞ Prezidentinin xüsusi nümayəndəsi Stiv Uitkoff və Cared Kuşnerin bu ilin yazında Ukraynaya səfər edəcəyinə ümid etsə də, səfər baş tutmayıb.

Vaşinqtonun diqqətinin İranda müharibə fonunda Ukraynadan uzaqlaşdığı qeyd olunur.