Atlantik okeanında, Azor adalarının 400 kilometrliyində yeni avtomobillər daşıyan “Felicity Ace” yük gəmisi batıb.

Qarabaginfo.az “Reuters”ə istinadən xəbər verir ki, gəmi “Volkswagen”, “Audi”, “Porsche”, “Bentley”, “Lamborghini” markalarına aid 4 minədək avtomobili Almaniyadan ABŞ-a daşıyırdı.

“Volkswagen” konserninin rəhbərliyi 400 milyon dollaradək ziyana uğradıqlarını açıqlayıb.

Bildirilib ki, gəmidə baş verən güclü yanğının söndürülməsi bir həftədən çox vaxt aparıb. Yanğın başlayandan dərhal sonra 22 nəfərdən ibarət heyət gəmini tərk edib. Gəmini qoşqu ilə sahilə tərəf aparmaq istədikdə güclü külək üzündən gəminin içinə su dolub və batıb.