Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı və Laçın rayonunda Azərbaycan Respublikası Prezidentinin xüsusi nümayəndəliyinin dəstəyi ilə Laçının qışına həsr edilmiş videoçarx hazırlanıb.

Bu barədə Qarabaginfo.az-a Komitənin Mətbuat xidmətindən məlumat verilib.

“Azad və abad Laçında yaşanan növbəti qış möcüzəsi dağlar qoynuna sığınmış şəhərin sakinlərinə də, qonaqlarında da xoş əhval bəxş edir. Ağappaq libasını geyinmiş doğma yurdda hər kəsin bu qış günündə öz zövqünə və yaşına uyğun məşğuliyyəti var. Ən əsası odur ki, Laçın ilbəil gözəlləşir, gələcəyə inamla addımlayır”, - məlumatda qeyd olunub.