Rusiya Ukrayna xalqı üçün idarəetmənin və həyat səviyyəsinin yaxşılaşmasının sübutu kimi Xersonu nümunə göstərəcək.

Qarabaginfo.az xəbər verir ki, bu barədə Britaniya Müdafiə Nazirliyinin kəşfiyyatı məlumat yayıb.

Məlumata görə, Rusiya Severodonetskdə üç istiqamətdən hücuma cəhd etməkdə davam edir:

“Ukrayna müdafiəni saxlayır, çətin ki, hansısa tərəf son 24 saat ərzində mühüm uğur qazansın. Rusiya hücumunu Donbasın mərkəzi sektoruna yönəltsə də, cinahlarında müdafiə mövqeyində qalır. Ukrayna qoşunları bu yaxınlarda Xerson vilayətinin cənub-qərbində əks-hücumda, İnqulets çayının şərq sahilindəki körpü önündə müəyyən uğurlar əldə edib.

İşğal olunmuş Xerson vilayətində Rusiya zorla yerli idarəçiliyi Rusiya administrasiyasına uyğunlaşdırır. Qanuni ödəniş vasitəsi kimi rus rublunu tətbiq edir, məktəblərdə rus kurikulumu və dilini tətbiq etmək üçün rus müəllimləri işə götürür. Çox güman ki, Rusiya Xersonu Ukrayna xalqı üçün idarəetmənin və həyat səviyyəsinin yaxşılaşmasının sübutu kimi göstərəcək”,- məlumatda deyilir.