Ehtiyatda olan (nüvə – red.) materialların İrandan çıxarılması üçün heç bir səbəb yoxdur. Əgər Qərb narahatdırsa, onda 60 faiz zənginləşdirmə 20 faizə endirilə bilər, amma onlar bunun müqabilində nəsə təklif etməlidirlər.

Qarabaginfo.az Globalinfo.az-a istinadla xəbər verir ki, bunu İranın ali rəhbərinin siyasi müşaviri Əli Şamxani deyib.

O, İranın nüvə proqramının “dinc xarakter daşıdığını” qeyd edib. Əlavə edib ki, Tehran heç vaxt nüvə silahı toplamayacaq, amma qarşı tərəf bunun üçün “müəyyən bir qiymət” ödəməlidir.

Şamxaninin sözlərinə görə, zənginləşdirilmiş uranın həcmi hələ də məlum deyil, çünki ehtiyatların bir hissəsi ABŞ hücumundan sonra dağıntılar altındadır və çox təhlükəli olduğundan onu çıxarmaq üçün təşəbbüs göstərilmir.