Macarıstan bildirib ki, Avropa İttifaqı ilə Cənubi Amerika Ümumi Bazarı - MERCOSUR arasında azad ticarət sazişi Macarıstanda ratifikasiya olunmayacaq.

Qarabaginfo.az xəbər verir ki, bunu Macarıstanın Baş naziri Viktor Orban bildirib.

Onun sözlərinə görə, milli maraqların qorunmasına yönəlmiş hökumət hakimiyyətdə olduğu müddətdə Budapeşt bu sazişi təsdiqləməyəcək.

Orban Avropa Komissiyasını Aİ ölkələrinin vətəndaşlarını aldatmağa cəhd etməkdə ittiham edib.

“Macarıstanda milli hökumət mövcud olduğu müddətdə MERCOSUR ilə sazişi heç vaxt təsdiqləməyəcəyik”, — deyə Orban vurğulayıb.