Rusiya ordusunun Xarkovun yaxınlığında yerləşən İstilik-Elektrik Stansiyasına endirdiyi raket zərbəsi nəticəsində bir nəfər ölüb, 13 nəfər yaralanıb.

Qarabaginf.az xəbər verir ki, bu barədə UNN Xarkovun meri İqor Terexova istinadən məlumat yayıb.

Merin sözlərinə görə, bütün yaralılar xəstəxanaya yerləşdirilib, tibb işçiləri onlara zəruri yardım göstərirlər.

Qeyd edilib ki, hücum şəhərdə elektrik gərginliyinin ciddi şəkildə azalmasına səbəb olub ki, bu da istilik təchizatına və şəhər nəqliyyatının fəaliyyətinə təsir göstərib.