Türkmənistanda baş tutan Türkiyə Prezidenti Rəcəb Tayyib Ərdoğanla Rusiya lideri Vladimir Putinin görüşünün detalları məlum olub.

Qarabaginfo.az xəbər verir ki, bu haqda Türkiyə Prezidentinin ofisi məlumat yayıb.

Bildirilib ki, Ərdoğan Putinlə görüşdən sonra Amerika lideri Donald Trampla Ukraynadakı münaqişənin həlli üçün sülh planını müzakirə etməyi planlaşdırır.

Ərdoğan qeyd edib ki, Türkiyənin xarici işlər naziri Hakan Fidan Ukrayna məsələsində Amerika tərəfi ilə daimi təmasdadır. Prezidentin özü də vaxtaşırı hər iki ölkənin rəhbərləri ilə telefon danışıqları aparır.

“Putinlə bu görüşdən sonra ümid edirik ki, Trampla sülh planını müzakirə etmək imkanımız olacaq. Sülh yaxındadır, biz bunu görürük”, - Türkiyə lideri bildirib.