Noyabrın 29-da Tbilisi Şəhər Məhkəməsinin dəftərxana binasını yandırmağa cəhd etmiş müxalif “Güclü Gürcüstan” koalisiyasının liderlərindən biri Aleko Elisaşviliyə ittiham irəli sürülüb.

Qarabaginfo.az xəbər verir ki, bu barədə Gürcüstanın Baş Prokurorluğundan bildirilib.

Məlumata əsasən, müxalifətçi terror aktı törətməyə cəhddə ittiham olunur.

Törədilmiş cinayət əməlinə görə 10 ildən 15 ilədək həbs cəzası nəzərdə tutulur.

Baş Prokurorluq Elisaşvili barəsində həbs qətimkan tədbirinin seçilməsi ilə bağlı məhkəmə qarşısında artıq vəsatət qaldırıb.