Qırğızıstanda Jooqorku Keneşə (birpalatalı parlament) növbədənkənar seçkilər təyin edilib.
Qarabaginfo.az xəbər verir ki, 90 deputat mandatı uğrunda 460 namizəd mübarizə aparacaq.

Seçkilər bu dəfə yeni qaydalarla keçiriləcək. İyunda ölkə prezidenti Sadır Japarovun təsdiqlədiyi dəyişikliklərə əsasən parlament artıq majoritar sistem üzrə formalaşdırılacaq. Ölkə 30 dairəyə bölünüb və hər dairədən üç deputat seçiləcək.

Seçkilərin keçirilməsi üçün seçici fəallığı ilə bağlı heç bir hədd nəzərdə tutulmayıb. Seçkiyə gələnlərin sayından asılı olmayaraq proses baş tutmuş sayılacaq.

Jooqorku Keneşin əvvəlki, yeddinci çağırışı 2021-ci ildə qarışıq, yəni həm partiya siyahıları, həm də majoritar dairələr üzrə seçilmişdi.