Gürcüstanda ekstremist partiyaların konstitusiyaya zidd elan edilməsi üçün iddia hazırlanır.

Qarabaginfo.az xəbəri verir ki, bu barədə Gürcüstan parlamentinin sədri Şalva Papuaşvili bildirib.

Onun sözlərinə görə, konstitusiya iddiası parlamentin müvəqqəti istintaq komissiyasının hesabatı əsasında tərtib olunacaq.

Qeyd edək ki, Gürcüstanda sabiq dövlət başçısı Mixeil Saakaşvilinin təsis etdiyi Vahid Milli Hərəkat Partiyası və onun ətrafında olan siyasi birliklərin qadağan olunacağı gözlənilir. Müvafiq iddianın ölkənin Konstitusiya Məhkəməsinə bu ay təqdim olunacağı bildirilib.