Prezident nə deməli idi bəs?

Məxfi sənədlərə girişi olan, SSRİ-nin ən presitjli məktəbinin-MQİMO-nun məzunu, tarix elmləri üzrə fəlsəfə doktoru olan Prezident bəyəm tarixi bilmir?

Necə ki, 1940-cı ildə Pribaltika işğal olundu, eləcə də ondan 20 il əvvəl Azərbaycanı ələ keçirdilər, qanuni hakimiyyətini çevirdilər.

2 il mövcud olmuş AXC-yə qarşı bir dənə də olsun daxili qiyam faktı yoxdur.

Buna görə, Rusiyada Leninin təlimatı əsasında yerli bolşevik, eser, meneşviklər və “Hümmət” sosial-demokrat qrupunun pərakəndə dəstələri əsasında 1920-ci ilin fevralında tez-tələsik Azərbaycan Kommunist Partiyası yaradıldı.

Qiyamın siyasi əsasını qoymaq üçün.

Moskva AXC-nin Atatürklə olan mürəkkəb münasibətlərindən istifadə etdi, Dağlıq Qarabağda erməniləri qiyama qaldırdı, daxili təxribatlara əl atdı.

Qanlı niyyətini həyata keçirdi.

11-ci Qırmızı Ordu heç Azərbaycan kommunstlərinin rəsmi müraciətini gözləmədən Yalama sərhədini özbaşına keçdi.

Qalanı məlumdur.

Rusiya niyə qıcıqlanır?

Çünki Putin doktrinasına görə, MDB ölkələri “kvazi-dövlətlərdir”, SSRİ-nin dağılmasından sonra “özbaşına” yaranıb. Putin isə SSRİ-nin süuqutunu “faciə” hesab edir.

Onun 2021-ci ildə Ukrayna ilə bağlı yazdığı məqaləsini oxuyun. Kremlin siyasi prioriteti aydın olur.

İlham Əliyev Azərbaycanın müstəqilliyini və suverenliyini açıq bəyan etməklə bunun uğrunda mübarizəni və qanını tökmüş qəhrəmanlarnı xatırladır.

Bu, Moskvanın xoşuna gəlmir.

Nə olsun? Bu nəyi dəyişir ki?

Azərbaycanı gözardı etmək, “sovet nisgili” ilə qaralamaq gülüncdür.

“Əlyazmaları yanmır”!