“Baxaq görək, nə baş verəcək. Bizim mühüm görüşümüz gözlənilir. Düşünürəm ki, bu, Rusiya üçün çox vacib olacaq”.

Qarabaginfo.az bildirir ki, bu sözləri ABŞ prezidenti Donald Tramp Oval Kabinetdə keçirilən brifinqdə Rusiya prezidenti Putinlə Alyaskada keçirəcəyi görüş barədə danışarkən bildirib.

Jurnalistlə Trampdan Ukraynadakı müharibəni dayandırmağa təşviq etmək üçün Putinə nadir minerallara çıxış təklif etməyə hazır olub-olmayacağı ilə bağlı sual veriiblər: “Nə olacağını görəcəyik, vacib görüşdür” – ABŞ prezidenti deyib.

Tramp bir daha vurğulayıb ki, o, Putinlə həftədə minlərlə əsgəri ölümdən xilas etmək üçün görüşür.

O, sabahkı görüş haqda danışarkən deyib: “Düşünürəm ki, yaxşı olacaq”.

“Ancaq daha vacib görüş keçirəcəyimiz ikinci görüşdür, biz prezident Putinlə, prezident Zelenski və mən görüşəcəyik. Ola bilsin ki, bəzi Avropa liderlərini dəvət edək, bəlkə də eləmədik”.

Tramp jurnalistlərə deyib ki, o, Putin və Zelenskinin sülh bağlayacaqlarını düşünür.