Ukrayna Prezidenti Volodimir Zelenski ABŞ, Böyük Britaniya, Fransa və Almaniyanın iştirakı ilə milli təhlükəsizlik üzrə müşavirlərin yeni görüşünü təşkil etməyə hazırlaşır.
Qarabaginfo.az xəbər verir ki, bu barədə Ukraynanın “Obşestvennoye” nəşri məlumat yayıb.

“Zelenski bildirib ki, ABŞ, Böyük Britaniya, Fransa və Almaniya nümayəndələrinin iştirakı ilə milli təhlükəsizlik məsələlərinə dair yeni görüş planlaşdırılır. Lakin hələlik dəqiq tarix müəyyən edilməyib”, – deyə materialda qeyd olunur.

Ukrayna lideri görüşün ölkə ərazisində keçirilməsini istədiyini bildirib. O, həmçinin ABŞ dövlət katibi Marko Rubionun da bu tədbirdə iştirak edə biləcəyini istisna etməyib.