Pentaqon “General Dynamics” və “Huntington Ingalls” şirkətləri ilə Virciniya sinfinə aid iki atom sualtı qayığın tikintisi üçün 18,4 milyard dollar dəyərində müqavilə bağlayıb.

Qarabaginfo.az xəbər verir ki, bu haqda Pentaqonun mətbuat xidmətindən məlumat verilib.

Qeyd edilir ki, “General Dynamics”lə müqavilənin dəyəri 12,4 milyard dollar təşkil edəcək ki, bu dəyəri 17,15 milyard dollara qədər artırılmaq imkanı olacaq.

“Huntington Ingalls” ilə müqavilənin dəyəri isə təxminən 1,3 milyard dollardır.

İşlər ABŞ-ın müxtəlif ştatlarında aparılacaq və 2036-cı ilin iyun ayına kimi başa çatdırılması gözlənilir.