Azərbaycan Dövlət YUĞ Teatrında yapon dramaturq Koki Mitaninin “Gülüş Akademiyası” pyesi əsasında “Master-klass” tamaşasının premyerası keçirilib.

Qarabaginfo.az xəbər verir ki psixodelik buffonada janrındakı bir pərdəli səhnə əsərində Mətanət Abbas (Meduza), Amid Qasımov (Müfəttiş) və Elgün Həmidov (Dramaturq) rollarda çıxış ediblər.

Rejissor Gümrah Ömərin quruluşunda hazırlanmış tamaşada istedadlı dramaturqun yazmış olduğu pyesi səhnələşdirmək üçün müfəttişdən icazə alması və bu müddətdə yeddi gün ərzində başına gəlmiş tragikomik vəziyyətlərdən bəhs olunur.
Qeyd edək ki, tamaşanın quruluşçu rəssamı Umay Həsənova, rejissor assistenti Məryəm Qələndərova, işıq rəssamı Yusif Adıgözəlov və səs rejissoru Nuray Həsənlidir.