ABŞ-ın yeni seçilmiş prezidenti Donald Tramp digər qudasını da vəzifəyə təyin edib. 

Qarabaginfo.az bildirir ki, Tramp bu gün “Truth” sosial şəbəkəsində paylaşımında bildirib ki, livan mənşəli amerikalı iş adamı Massad Boulos ərəb və Yaxın Şərq məsələləri üzrə baş məsləhətçi vəzifəsində çalışacaq.

Reuters yazır ki, Trampın qızı Tiffaninin qayınatası Boulos seçki kampaniyası zamanı ərəb-amerikan və müsəlman liderlərlə dəfələrlə görüşüb.

Bundan əvvəl Tramp böyük qızı İvankanın qayınatası Çarlz Kuşnerin namizədliyini ABŞ-ın Fransadakı səfiri vəzifəsinə irəli sürüb.