“Ümid edirəm ki, Ermənistan ilə Azərbaycan arasında sülh bərqərar olunacaq, onilliklərlə davam edən düşmənçiliyə son qoyulacaq”.

Bu sözləri Ermənistan Milli Assambleyasının sədri Alen Simonyan parlamentin növbədənkənar iclasında çıxışı zamanı deyib.

Onun sözlərinə görə, “Alma-Ata Bəyannaməsi”nin prinsiplərinə uyğun olaraq Azərbaycan ilə sərhədlərin delimitasiyası prosesi başa çatdırılmalı və bununla da iki dağıdıcı müharibəyə səbəb olan, onilliklərlə davam edən düşmənçiliyə son qoyulmalıdır.