Saytımızı qiymətləndirin


 
 

110 molla Dini Komitənin imtahanından KƏSİLDİ
Tarix: 08-07-2024 | Saat: 17:40
Bölmə:Karusel / Cəmiyyət | çapa göndər

110 molla Dini Komitənin imtahanından KƏSİLDİ

 

İslam dininə aid ibadət yerlərində (məscidlər) vakant vəzifələrin tutulması üçün keçirilən növbəti müsahibə mərhələsi başa çatıb.

 

Dini Qurumlarla İş üzrə Dövlət Komitəsindən (DQİDK) Moern.az-a verilən məlumata görə,13 dekabr -13 yanvar tarixlərində elan edilən müsahibəyə 7 vakant yer üzrə 185 namizədin müraciəti qeydə alınıb.

27 iyun-06 iyul tarixlərində baş tutan müsahibədə 171 nəfər iştirak edib. Qadın dini ayinlərinin icraçısı vəzifəsi üçün 1 vakant yer üzrə imtahanda iştirak edən 54 namizəddən 17-i, 6 imam və imam müavini vakansiyası üzrə isə 117 nəfərdən 44-ü müsahibədə uğur qazanıb. Ümumilikdə 110 namizəd keçid balını toplaya bilməyib.

 

Qeyd edək ki, DQİDK-nın ilahiyyatçı mütəxəssislərdən təşkil etdiyi Müsahibə komissiyası tərəfindən seçimləri aparılan müsahibənin nəticələri keçirildiyi gün Komitənin rəsmi internet saytında (scara.gov.az) elan edilib. Uğur qazanmış namizədlər təsdiq edilmiş qaydalara əsasən müsahibə bitdikdən sonra 30 iş günü müddətində Komitə sədrinin əmri ilə İslam dininə aid ibadət yerlərində (məscidlər) vakant vəzifələrə təyin olunacaq.



Xəbəri paylaş

1137 dəfə oxunub.

Digər xəbərlər