Kosmik turizm şirkəti “Space Perspective” insanları Yerdən 32 kilometr hündürlüyə qaldıracaq hava şarının inşasını tamamlayaraq ilk sınaq uçuşunu həyata keçirib.

Qarabaginfo.az xəbər verir ki, səyahətin qiyməti 125 min dollar olaraq müəyyən edilib və uçuşların bu ilin sonunda başlaması planlaşdırılır.

Həyəcan axtarışında olanlar 125 min dollar dəyərində bilet alaraq nəhəng bir şarda kosmosun ucqar nöqtələrinə səyahət edə biləcəklər.

Şirkət həmçinin vurğulayıb ki, raketlərdən fərqli olaraq, onların inşa etdiyi kapsullar yerdən daha yavaş və daha yumşaq şəkildə ayrılacaq.

Sözgedən səfərin altı saat çəkəcəyi bildirilir. Kapsulun daxili hissəsi həm geniş, həm də rahatdır və 8 müştəri ilə bir kapitanı daşıyacaq.

Kapsulda bar, Wi-Fi və sərnişinlər üçün tualet olacaq.