2023-cü ildə “G7” ölkələri arasında Ukrayna tərəfinə təhlükəsizlik zəmanətinin verilməsinə dair razılıq əldə olunub. Bildirilib ki, bunun üçün rəsmi Kiyev ittifaqın hər bir ölkəsi ilə ayrı-ayrılıqda müvafiq sənədi razılaşdırmalıdır. 10 il müddətinə bağlanacaq bu müqavilələrin mətnləri bir-biri ilə demək olar ki, eynilik təşkil edir. Belə ki, G7 dövlətləri ilə razılaşdırılan sənədlər Ukraynaya hərbi, humanitar və maliyyə dəstəyinin göstərilməsini nəzərdə tutur.