Rusiya və Ukrayna arasında "Koreya ssenarisi" tətbiq oluna bilər.

Qarabaginfo.az xəbər verir ki, bununla bağlı “The New York Times” yazıb.

Nəşrin məlumatına görə, Ukrayna və Rusiya bir neçə aydan sonra sülh danışıqlarına və cəbhə xəttindəki hərbi fəaliyyətin dondurulmasına razılaşa bilərlər.

"Bayden administrasiyasında növbəti bir neçə ayın həlledici ola biləcəyinə dair artan inam var, çünki müəyyən bir nöqtədə hər iki tərəf nəhayət, 1953-cü ildə Koreyada aktiv hərbi əməliyyatları sona çatdıran və ya sadəcə olaraq dondurulmuş münaqişəyə bənzər danışıqlar yolu ilə atəşkəsə keçə bilər", - deyə bildirilib.

Qeyd olunub ki, Ağ Ev rəsmilərinin fikrincə, Rusiyanın Xarkov vilayətinə yeni hücumu “Ukraynadakı müharibənin trayektoriyasını dəyişir”.

Bir tərəfdən, Amerika rəsmiləri inanırlar ki, Ukrayna Amerikadan yardımlar gəlməyə başladıqdan sonra - “çox güman ki, iyulda” - və Ukrayna cəbhəyə daha çox gənc əsgər göndərdikdən sonra rəsmi Kiyev indiki ərazi itkilərinin çoxunu geri ala biləcək.

Digər tərəfdən, “onlar hətta bir neçə aydan sonra cəbhə xəttinin harada olacağı və ya Zelenskinin gələn il uzun müddətdir, təxirə salınmış əks-hücumunu başlaya biləcəyi ilə bağlı proqnoz verməkdə tərəddüd edirlər”.

Vaşinqtonu ən çox narahat edən məqam odur ki, Rusiya müharibənin ilk 27 ayında məhv edilmiş silahları əvəz edir və öz mövqelərini bərpa edir: “Rusiya çox vaxt müharibələrə pis başlayır və yaxşı başa vurur”.

Eyni zamanda, Bayden Makronun qoşun göndərmək fikrinə qarşı çıxmaqda davam edir.

"Bu il Rusiya üçün bir fürsət pəncərəsidir. Lakin Rusiya ordusu bu üstünlükləri döyüş uğurlarına çevirə bilməsə və sürət qazanmasa, 2025-ci ilə girdiyimiz zaman bu pəncərənin bağlanmağa başlaması böyük şansdır", - yazıda vurğulanıb.