Şimali Kipr Türk Respublikasının Prezidenti Ersin Tatar Milli Məclisdə Azərbaycan-Şimali Kipr Türk Respublikası parlamentlərarası əlaqələr üzrə işçi qrupun yaradılması ilə bağlı paylaşım edib.

Qarabaginfo.az xəbər verir ki, paylaşım onun rəsmi "X" hesabında edilib. 

O, paylaşımda Prezident İlham Əliyevə təşəkkür edib.

"Türk dünyası bizim ailəmizdir, Türk dünyası ilə əlaqələrimizi gücləndirməliyik", - Tatar qeyd edib.

Xatırladaq ki, Azərbaycan-Şimali Kipr Türk Cümhuriyyəti parlamentlərarası əlaqələr üzrə işçi qrupu yaradıması barədə qanun layihəsi Milli Məclisin bu gün keçirilən plenar iclasında qəbul edilib. İşçi qrupunun rəhbəri Cavanşir Feyziyev olacaq.