Ermənistan Baş Prokurorluğu idmançı Kamil Zeynallının Moskvada saxlanılması ilə bağlı xəbərlərə münasibət bildirib.

Qarabaginfo.az xəbər verir ki, bu barədə "Sputnik"in Ermənistan xidməti məlumat yayıb.

Bildirilib ki, Ermənistan Baş Prokurorluğunda İrəvanın sorğusu əsasında Kamil Zeynallının Moskvada saxlanması ilə bağlı rəsmi məlumat yoxdur.

Qeyd edək ki, tanınmış idmançı Kamil Zeynallı Ermənistanın tələbi ilə Moskvada saxlanıldığını bildirib. XİN-in Mətbuat Xidməti İdarəsinin rəisi Ayxan Hacızadə bildirib ki, məsələ Azərbaycanın Rusiyadakı səfirliyinin nəzarəti altındadır. “Vətəndaşa müvafiq konsulluq-hüquqi yardım göstərilir. Əlavə məlumat olarsa, bildiriləcək”, - məlumatda deyilir.