Millət Vəkili Vüqar Bayramov Füzuli rayonunda Füzuli Qazilər Cəmiyyətinin üzvləri ilə görüşüb.

Qarabaginfo.az xəbər verir ki, bu barədə millət vəkili özünün sosial şəbəkə hesabında məlumat verib.

Vüqar Bayramovun sözlərinə görə, Qarabağ savaşının qaziləri ilə görüşdə Müzəffər Ali Baş Komandan cənab İlham Əliyevin rəhbərliyi ilə əldə edilən tarixi zəfərdən xüsusi söhbət açılıb və qəhrəman qazilər öz təəssüratlarını bölüşüblər: “Füzuli qazilərinin sayına görə seçilən rayonlarımızdandır. Rayon qaziləri dövlət qayğısını yüksək qiymətləndirərək ölkə başçısına minnətdarlıqlarını ifadə etdilər. Görüşdə qazilərimizi maraqlandıran məsələlər dinlənildi və uyğun dövlət qurumları ilə müzakirələrin davam etdirilməsi razılaşdırıldı. Cəmiyyətin sədri Nərman Əliyev Ali Baş Komandanın qazilərə xüsusi diqqətinin olduğunu deyərək qaziləri maraqlandıran bir sıra məsələlər barədə fikirlərini bölüşdü. Bəzi qazilərimizin mənzil təminatının daha qısa zamanda həll edilməsi üçün uyğun dövlət qurumlarına rəsmi sorğuların göndərilməsi razılaşdırıldı”.