Ermənistanın Avropa İnsan Haqları Məhkəməsindəki nümayəndəliyinin keçmiş eksperti, hüquqşünas İqor Mirzəxanyan gorbagor(!) edilmiş separatçı-terrorçu rejimin sonuncu üzdəniraq “prezidenti” Samvel Şahramanyanı məhkəməyə verib.

Qarabaginfo.az xəbər verir ki, bu haqda  “Johovurd” qəzeti məlumat yayıb.

 

Nəşrin məlumatına görə, erməni hüquqşünas Şahramanyanın “artsax” “hökumət”inin ləğvi ilə bağlı 28 sentyabr tarixli fərmanının etibarsız sayılması tələbi ilə Ermənistan İnzibati Məhkəməsinə müraciət edib.

 

Ermənistanın AİHM-dəki nümayəndəliyinin mətbuat katibi Hasmik Samvelyan “Armenia Today”-ə bildirib ki, “Mirzəxanyan uzun müddətdir ki, onların əməkdaşı olmadığı üçün” iddia ilə bağlı məlumatı yoxdur.

 

Xatırladılır ki, Qarabağdakı qondarma separatçı “hakimiyyət” sentyabrın 20-də Azərbaycanın 19 sentyabr hücumundan sonra Rusiya “sülhməramlı”larının atəşkəs və “müdafiə ordusu”nun ləğvi və tam tərksilah edilməsi təklifini qəbul edib.

 

Sentyabrın 28-də isə “prezident” S.Şahramanyan 2024-cü il yanvarın 1-dək bütün qondarma “dövlət” qurumlarının və təşkilatlarının ləğvi haqqında fərman imzalayıb və həmin tarixdən üzdəniraq rejim mövcudluğunu dayandıracaq...

(Moderator.az)