Saytımızı qiymətləndirin


 
 

“Yeni Klinika”ya direktor müavini təyin olundu
Tarix: 18-11-2023 | Saat: 14:16
Bölmə:Karusel / Gündəm | çapa göndər

 

“Yeni Klinika”ya direktor müavini təyin olundu

Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən "Yeni Klinika" tibb müəssisəsinin direktor müavini vəzifəsinə təyinat olub.
 

Qarabaqinfo.az xəbər verir ki, bu barədə tibb müəssisəsinin İctimaiyyətlə əlaqələr şöbəsinin müdiri Nuridə Allahyarova bildirib.

TƏBİB-in icraçı direktoru Vüqar Qurbanovun müvafiq əmrinə əsasən, Gülnar Nuriyeva "Yeni Klinika"nın direktor müavini və Reproduktiv sağlamlıq və ailə planlaması mərkəzinin rəhbəri vəzifəsinə təyin edilib.


Gülnar Nuriyeva 2001-2007-ci illərdə Azərbaycan Dövlət Tibb Universitetimdə təhsil alıb. 2007-2008 -ci ildə Onkoloji Klinikada internatura keçən Gülnar Nuriyeva daha sonra 2012-2016 –cı illərdə Türkiyə Cümhuriyyətinin Dokuz Eylül Universitetinin Ginekologiya və Mamalıq Kafedrası - Tibb Fakültəsində uzmanlıq keçib.

Əmək fəaliyyətinə 2012-2016-cı illərdə Türkiyə Cümhuriyyətinin Dokuz Eylül Xəstəxanasında başlayan həkim mama-ginekoloq daha sonra qadın xəstəlikləri və doğum uzmanı olaraq Türkiyənin Iğdır şəhərində Özel Bulut Xəstəxanasında çalışıb.
 

2018-2021-ci illərdə “Fellowship” təqaüd programı ilə Hadassah Universiteti Xəstəxanasının Ginekologiya şöbəsinin Ekstrakorporal mayalanma bölməsində təhsil aldığı müddətdə həmin şöbədə fəaliyyət göstərib.
 

2021-2022-ci illərdə Bakı Sağlamlıq Mərkəzində Doğum Şöbəsinin müdiri olan Gülnar Nuriyeva daha sonra Uniklinika və Mərkəzi Gömrük Hospitalda həkim-ginekoloq olaraq çalışıb.



Xəbəri paylaş

1111 dəfə oxunub.

Digər xəbərlər

Bu gün, 13:23Sabahın havası